Aakhir Kyon?!

Koi itna majboor kyo ho jaata hai
Koi itna kamzor kyo ho jaata hai
Kisi khamosh(sunsaan) pukar ka intezaar karta hai
Koi benaam wajah ki talaash karta hai
Kisi dhundhli khwaab mein chehra DoonDne lagta hai
Kisi anjaan chehre ko taraashne lagta hai
Jo nazar uTHakar dekhte bhi nahi,
GhuTne Tek dete hai
Harek saans par
Unhi ke naam ki aahaT lete hai
Aisa aakhir kyo hota hai...???

Khushi

Khush hua hu kitna..
yeh khushi se kaise kahu...
Tum chaaho na chaaho
ab to tere paas hi rahu